Ba mhaith le Comhairle Chontae na Gaillimhe d'ionchur chun ár
Pleananna Gníomhaíochta Aeráide, Oidhreachta agus Bithéagsúlachta
Gníomhaíochta Aeráide
Is é aidhm Phlean Gníomhaíochta Aeráide Chontae na Gaillimhe 2024-2030 ná gníomhartha claochlaitheach maolaithe agus oiriúnaithe aeráide a sheachadadh ar fud an chontae agus laistigh dár n-eagraíocht féin agus aistriú cóir a chinntiú ag an am céanna. Tá eolas cúlra faoi Phleananna Gníomhaíochta Aeráide na nÚdarás Áitiúil ar fáil ag an nasc seo a leanas.
Tá Tuarascáil Achoimre forbartha ag Comhairle Chontae na Gaillimhe, atá ar fáil sa phainéal thíos, chun cabhrú le páirtithe leasmhara agus chun achoimre a sholáthar ar an bhfianaise a úsáidfear chun bonn eolais a chur faoi fhorbairt an phlean.
Oidhreacht agus Bithéagsúlacht
Beidh sé mar aidhm ag Plean Oidhreachta agus Bithéagsúlachta Chontae na Gaillimhe 2024-2030 an oidhreacht agus an bhithéagsúlacht a chur i gcroílár an tsaoil phoiblí sa chontae. Bainfear é seo amach trí fheasacht, rannpháirtíocht, taitneamh, eolas agus tuiscint ar ár n-oidhreacht chomhroinnte a mhéadú chun caomhnú, bainistiú agus cosaint cheart a dhéanamh uirthi agus í a chosaint do na glúnta atá le teacht.
Tá tuilleadh eolais faoi phlean Oidhreachta agus Bithéagsúlachta Chomhairle Chontae na Gaillimhe ar fáil anseo agus anseo.
Comhairliúchán
Beidh an comhairliúchán ar oscailt ón 24 Iúil go dtí an 25 Lúnasa 2023. Ní gá duit clárú agus níl aon cheisteanna éigeantach.
Anseo thíos gheobhaidh tú liosta ceisteanna a bhaineann le Gníomhú ar son na hAeráide, Bithéagsúlacht agus Oidhreacht. Cabhróidh do fhreagraí ar na ceisteanna seo linn gníomhartha a fhorbairt a bheidh le cur i bhfeidhm sna 5 bliana amach romhainn. Táimid buíoch díot do chuid ama a thabhairt chun todhchaí na Gaillimhe a mhúnlú.
Ioslódáil an Tuarascáil Achoimre Plan Gníomhaíochta Aeráide[PDF] a bhfeictear seo thíos anseo.