Plean Gníomhaithe ar son na hAeráide an Údarás Áitiúil Comhairle Chontae na Gaillimhe 2024-2029

Plean Gníomhaithe ar son na hAeráide an Údarás Áitiúil Chomhairle Chontae na Gaillimhe 2024-2029

Tá ríméad ar Chomhairle Chontae na Gaillimhe an Plean Gníomhaithe ar son na hAeráide 2024-2029 a fhoilsiú.

Tá uaillmhian an Phlean seo ailínithe le Cuspóir Aeráide Náisiúnta foriomlán an Rialtais, a fhéachann leis an aistriú chuig geilleagar atá athléimneach ó thaobh na haeráide de, atá saibhir ó thaobh na bithéagsúlachta de, atá inbhuanaithe ó thaobh an chomhshaoil de agus atá neodrach ó thaobh na haeráide a bhaint amach faoi 2050. Cruthaíonn an tAcht um Ghníomhú ar son na hAeráide agus um Fhorbairt Ísealcharbóin (Leasú) 2021 uaillmhian aeráide na hÉireann atá ceangailteach ó thaobh dlí chun laghdú 51% ar astaíochtaí gás ceaptha teasa a bhaint amach faoi 2030. Chun an todhchaí inbhuanaithe seo a chinntiú do shaoránaigh na Gaillimhe, tá an Plean Gníomhaithe ar son na hAeráide seo ullmhaithe ag an gComhairle don tréimhse 2024 go 2029 chun Contae ísealcharbóin agus athléimneach ó thaobh na haeráide de a chruthú, tríd an gcleachtas is fearr i ngníomh aeráide a sheachadadh agus a chur chun cinn.

Tuarascálacha Comhshaoil

Tá doiciméadú a bhaineann leis an Measúnú Straitéiseach Comhshaoil (SEA) de Phlean Gníomhaithe ar son na hAeráide an Údaráis Áitiúil 2024-2029 ar fáil thíos. Ba é cuspóir an SEA seo ná éifeachtaí suntasacha dóchúla comhshaoil a bhaineann leis an bPlean a aithint, a mheasúnú agus a mhaolú, agus breithnithe comhshaoil a chomhtháthú in ullmhú, glacadh agus cur i bhfeidhm an Phlean.

Tá doiciméadú a bhaineann leis an Measúnú Cuí (AA) de Phlean Gníomhaithe ar son na hAeráide an Údaráis Áitiúil 2024-2029 ar fáil thíos. Ba é cuspóir an AA éifeachtaí díobhálacha suntasacha féideartha ar láithreáin Eorpacha ainmnithe a aithint, a mheasúnú agus a mhaolú.

Tuarascáil an Phríomhfheidhmeannaigh

De bhun Alt 16 den Acht um Ghníomhú ar son na hAeráide agus um Fhorbairt Ísealcharbóin (Leasú), 2021, tugadh fógra faoi ullmhú Plean Gníomhaíochta Aeráide 2024-2029 Chomhairle Chontae na Gaillimhe, Déardaoin, an 10 Samhain 2023. Iarradh aighneachtaí nó tuairimí maidir leis an Phlean agus na Tuarascálacha Comhshaoil (Measúnú Straitéiseach Comhshaoil agus Measúnú Cuí) ar feadh tréimhse 4 agus 6 seachtaine faoi seach.

I gcomhréir le ceanglais an Achta um Aeráid (Leasú) 2021, déanann Tuarascáil an Phríomhfheidhmeannaigh achoimre agus sonraí ar thoradh an phróisis Chomhairliúcháin Phoiblí ar an Phlean Gníomhaithe ar son na hAeráide