4.0 Bailte Beagfháis
Gach Sráidbhaile Beagfháis a chur chun cinn mar áit le cónaí agus oibriú inti agus cuairt a thabhairt uirthi, ina gcuirtear raon seirbhísí, áiseanna pobail agus baile insiúlta ar fáil atá ar aon dul le pleanáil cheart agus forbairt inbhuanaithe.
4.1 Réamhrá
Sa chuid seo (Imleabhar 2) tabharfar sonraí maidir le fís agus cuspóirí beartais chriosaithe do na bailte seo a leanas:
An Clochán; Áth Cinn; Maigh Cuilinn; Uachtar Ard agus Port Omna.
Ullmhaíodh Pleananna Criosaithe agus Tuilte in éineacht le sainchuspóirí beartais do gach Baile Beagfháis (SGT) a liostaítear thuas.
San imleabhar seo de Phlean Forbartha Chontae na Gaillimhe 2022 - 2028 tá na SGTanna ann atá ainmnithe do Chontae na Gaillimhe. Is iad seo an ceathrú sraith de lonnaíochtaí mar atá leagtha amach i gCaibidil 2 Croí-Straitéis, Ordlathas Lonnaíochta agus Straitéis Tithíochta an Phlean Forbartha Contae 2022 - 2028. Tá Pleananna Ceantair Áitiúla reatha ag ceithre cinn de na bailte seo in situ agus bhí Plean Ceantair Áitiúil ag Uachtar Ard roimhe seo (2005-2011). Leis an Acht Pleanála agus Forbartha 2020 (arna leasú) éascaítear do sholáthar sainchuspóirí beartais do bhailte níos lú nach gcomhlíonann an daonra de 5,000 atá le cur san áireamh sa Phlean Forbartha Contae.
Déantar na SGTanna a ghrúpáil le chéile chun Imleabhar 2 den Phlean Forbartha Contae a fhoirmiú toisc go bhfuil siad cosúil ó thaobh méide de agus ó thaobh daonra de go háirithe. Sa tsraith seo de lonnaíochtaí, is ionann na daonraí de réir daonáirimh 2016 agus thart ar 900 in Áth Cinn agus 1,700 i Maigh Cuillin.
Tá gach ceann de na SGTanna suite lasmuigh de Phlean Straitéiseach an Cheantair Uirbigh (MASP). Is bailte beaga agus meánmhéide iad na SGTanna ina gcuirtear raon maith seirbhísí áitiúla ar fáil lena n-áirítear úsáidí cónaithe, fostaíochta, pobail agus turasóireachta. Tá bonneagar acu ar nós acmhainn uisce agus fuíolluisce agus dá bhrí sin féadaidís freastal ar fhás measartha thar shaolré an Phlean Forbartha Contae suas go dtí 2028. Tá sé riachtanach na daonraí a leithdháileadh ar gach baile chun freastal ar an bhfás leithdháilte daonra atá againn mar atá leagtha amach sa NPF agus RSES. Caithfear freastal ar an bhfás seo sa daonra i ngach SGT ar bhealach inbhuanaithe, comhréireach agus seicheamhach.
Leanúint ar aghaidh ag léamh: Íoslódáil Bailte Beagfháis [PDF]